Jóhanna Alfreðsdóttir

Námskeiðslok

2003-11-29T22:19:00.000Z

Þá er ég búin að ganga frá skilasíðu minni á þessu námskeiði, setja notendanafn mitt af skólaspjallinu þar inn svo að ég vona að allt sem á þar að vera sé þar. Það er léttir að vera búin að þessu.

Drengirnir mínir og eiginmaður fóru til Reykjavíkur um helgina, drengirnir að tefla og pabbin þeim til halds og trausts. Ég hef því haft næstum allan tíma fyrir mig og námið, ekki veitti af, ég hef komið ýmsu í verk og vonast til þess að klára tvö verkefni á morgun og... vitið hvað þá er ég komin í jólafrí.

Gleðileg jól

2003-11-27T14:31:00.000Z

Skilaboð sendi ég
Sent með GSMbloggi Og Vodafone

Frábær verkefni

2003-11-27T14:03:00.000Z

Ég hef verið að skoða verkefni frá öðrum og mörg hver eru hreint alveg frábær! Það er gaman að hafa aðgang að þessu og sjá hve fjölbreitt þau eru.

Ég hlustaði og horfði á nokkrar glærusýningar með tali og mér fannst þetta oftast gefa glærunum meira líf. Það var ekkert má að keyra þau upp. Góð tilbreyting að geta sagt það! Í fjarnámi gæti þetta verið góð leið fyrir kennara og nemendur að koma verkefnum/upplýsingum áleiðis. Í fjarnámi þekkir maður oft nöfnin en þau eiga ekki andlit!

Auðvita er fólk mis áheyrilegt eins og gengur og stundum varð maður var við að þetta var fólk sem var óvant fyrir framan myndavélina. Það truflaði einnig ef að mas og hávaði var í bakgrunni þá fór maður að einblína á það í stað þess að hlusta.

Gaman að fá að kíkja á það sem aðrir hafa verið að gera og til ykkar allra sem eigið þessu fínu verkefni takk, takk.

2003-11-24T17:36:00.000Z

GSMblogg prufa

vandræði

2003-11-24T17:25:00.000Z

Hef verið að reyna símabloggið fæ alltaf upp :
Villa frá bloggveitu : no protocol:
Þegar ég reyni að setja inn bloggslóðina??

heimapróf

2003-11-21T20:20:00.000Z

Er að vinna í verkefni í Hagnýtum málvísindum þessa dagana, vonast til þess að ná því um helgina. Upplýsingatæknin hefur setið á hakanum lofa bót og betrun...

Nemendur mínir fengu úr samræmdum prófum (eins og aðrir!) og var ekkert sem kom á óvart, sem betur fer. Þau voru flest að standa sig prýðilega og höfðu greinilega mörg hver náð að gera sitt allra allra besta! frábært, en áfram í íslenskumálin...

þar til síðar.

Mánudagur

2003-11-17T20:54:00.000Z

Vinnuvikan hafin á ný...
Hef lítið að skrifa um annað en vinnuna og skólann, jú annars, Bjartur Týr sonur minn var 10 ára þann 13. nóv, afmælisveislan tókst vel. fullt af hressum krökkum, ákaflega skemmtilegt!

Föstudagur

2003-11-14T15:40:00.000Z

Þá er komin helgi eftir stranga vinnuviku, stundum er eins og allt fari úr böndunum...þannig var þessi vika.
Skrifa meira þegar mesta þreytan verður runnin af....

Sellofon

2003-11-10T08:29:00.000Z

Ég á svo elskulega tengdamömmu sem bauð mér á leiksýninguna Sellofon á föstudagskvöldið. Um önnum kafna nútíma-konu, ofurkonuna, hlutverk sem ég kannaðist mjög vel við, hm...

Hvet alla þá sem ekki hafa séð þetta stórskemmtilega verk að drífa sig!

Verkefnin komin inn

2003-11-08T13:31:00.000Z

Það tókst! eftir mikla yfirlegu. Skólaverkefnið mitt er komið inn á heimasíðuna mína sem og glæruverkefnið

Þetta er búið að vera mikið bras en gekk á endanum, ég vona bara að þessi skil mín séu ekki allt og sein.

Ég vildi að það væru komin jól..

laugardagur

2003-11-08T10:26:00.000Z

Er enn að brasa við verkefnin, ætla að koma þessu inn í dag.

Helgin búin

2003-11-02T20:03:00.000Z

Jæja þá er helgin afstaðin enn eina ferðina. Skil hrúgast yfir þessa dagana, auk þess á ég á í mesta basli með að skila því sem búið er að vinna! það er að setja inn á heimasíðuna mína, glæruverkefnið, "note page" kemur aldrei með...og í skólaverkefninu virka linkarnir ekki ...ég sendi inn fyrirspurn á skólaspjallið en hef ekki enn fengið svar. Það er bara að halda áfram og áfram að reyna og reyna...

Fór að sjá Litlu-ljót á laugardaginn, virkilega skemmtileg sýning og góð tilbreyting frá náms-helgunum.

Vinnuvika hafin

2003-10-28T21:31:00.000Z

Þá er ný vinnuvika hafin eftir fríið, sem var náttúrulega ekki frí, eða þannig... nýttist allavega vel í námið mitt!
Það var gott að koma í skólann aftur og hitta krakkana MÍNA.

Leikfélag Vestmannaeyja frumsýndi Lítlu-ljót um síðustu helgi, nú ætla nokkrir framtaksamir foreldrar hjá mér að fara á laugardaginn með bekkinn að sjá, ég ætla að fljóta með meðr drengina mína. Hlakka til, þetta er fullt af ungum krökkum sem taka þátt í sýningunni og er þetta frumraun flestra. Gott framtak sem vert er að kíkja á.

Vetrafrí

2003-10-26T11:35:00.000Z

Ég hef ekki verið hlynt vetrafríum í skólum hingað til, vil hætta fyrr á vorin. En mikið kemur það sér nú vel þegar maður er í námi og í stöðugu kapphlaupi við tímann!
Þessir dagar hafa nýst ótrúlega vel, einn dagur eftir enn...

Vefsíðan komin út á vefinn...

2003-10-25T21:50:00.000Z

Eftir blóð svita og tár...

þá er vefsíðan mín komin út á vefinn, eða það sem tilbúið er hjá mér núna.

Loksins hægt að fá sé kaffi og slappa af!

Nokkur vandamál voru þó óyfirstíganleg í þetta sinn.

Linkarnir, bjargirnar í vefleiðangri eru ekki virkir hjá mér einhverra hluta vegna, á eftir að finna út úr því.

Ég kom ekki power point sýningunni út á vefinn, sendi inn fyrirspurn á skólaspjallið ég vona að einhver reddi mér með það. En glærurnar mínar fjallar um streitu og streitueinkenni barna.

Þessir hnökrar hljóta að leysast innan skams..

Röng dagsetning...

2003-10-22T22:22:00.000Z

Sá að það var röng dagsetning á síðasta innleggi...

Starfsdagur

2003-10-19T14:53:00.000Z

Það var starfsdagur í skólanum mínum í dag. Ég sat áhugaverðan fyrirlestur um barnaverndarmál og feril þeirra. Þetta eru viðkvæm mál og full þörf á fræðslu um slíkt.
Annars finnst okkur mörgum verða lítið úr vinnu á starfsdögum þar sem þeir eru svo oft fullskipaðir af hinum ýmsu fundum svo að lítill tími vinnst til hefðbundins undirbúnings og úrvinnslu fyrir bekkinn sinn. Svona er nú lífið...

Áfram um samræmd próf...

2003-10-19T14:49:00.000Z

Að mínu mati var íslensku prófið frekar erfitt. Það er þó gatt að þetta er afstaðið, alltaf gott þegar sér fyrir endann á einhverju.

Helgin hefði mátt nýtast betur í námið en stundum er nauðsynlegt að sinna einhverju öðru. Þá kemur alltaf þessi óþæginlega tilfinning, ég hefði átt að vera...
Ég horfi hýrum augum í átt að vetrarfríi sem hefst á fimmtudaginn 23. okt og lýkur þriðjudaginn 28. okt.

Samræmt próf

2003-10-16T14:26:00.000Z

Þá er samræmdu prófi í stærðfræði lokið, ég var nokkuð sátt við fjórða bekkjar prófið, seinni hlutinn reyndist þó mínum nemendum strembnari en fyrri. Ég var þó ánægðust með að nemendur voru sjálf sátt við prófið og vonandi fylgja þær minningar þeim áfram þegar að sjöunda bekkjar prófinu kemur... Á morgun er svo íslenskan...

Rigning og þoka...

2003-10-15T21:29:00.000Z

Það er stytt upp!! Það er búið að vera rigning og aftur rigning dag eftir dag, en nú er uppstytta. En blessuð þokan liggur þó yfir, svo þétt að það sést varla í næstu hús hvað þá fjöll. Fólk er að láta þokunna pirra sig, ekki hægt að fljúga og slíkt, þokan angrar mig ekki það er oft svo hlýtt og milt veður þegar hún vefur sig um okkur.

En nóg um veðrið, nýja spjallkerfið er ágætt, dálítið tímafrekt að "kíkja" þar inn. En kanski er maður að flýta sér um of alla daga, alltaf...

Helgin búin

2003-10-13T14:06:00.000Z

Helgin fór í námið, eins og venjulega. Tíminn líður svo hratt komin 13. október! Það fer að síga á seinni hluta annarinnar!!
Á fimmtudag og föstudag eru samræmduprófin ég verð feginn þegar það er afstaðið, allt skólastarfið litast að þeim þó að svo eigi ekki að vera.
Í næstu viku er svo vetrarfrí frá fimtudag til þriðjudags, það verður kærkomið...

loksins loksins

2003-10-11T16:39:00.000Z

Gef sjálfri mér blómvönd fyrir afrek dagsins, að koma mynd inn á bloggið mitt!

Nýtt samskiptakerfi

2003-10-11T16:10:00.000Z

Jæja, eftir þó nokkra yfirlegu yfir nýja samskiptakerfinu tókst mér að skrá mig inn og koma með innlegg, setja mynd (það er meira en mér hefur tekist hér á blogginu, hef ég þó reynt ítrekað!).

Það sem að ég vil hafa á persónulegum vef er náttúrulega fyrst og fremst það sem tengist þessu námi, kynningu á sjálfri mér og fjölskydu, áhugamál, eitthvað kem ég minni ástkæru heimabyggð líklega að, starfsferilsskrá eins og Salvör benti á gæti komið sé vel.

Næsta skref er þá að koma slíku út á vefinn...

Vinnuvikan

2003-10-06T17:33:00.000Z

Vinnuvikan hafin! Í þessari viku er ég með foreldrafundi, við höfun þann háttinn á í mínum skóla að hafa fundina eftir að venjulegum skóladegi lýkur þannig að það tegist úr viðveru þessa vikuna.

Helgin nýttist vel til náms, sem betur fer og ég er ekki frá því að halinn hafi styst!

Í gær var kaffisamsæti hjá pabba gamla og gaf ég mér tíma í vöfflubakstur og samveru með fjölskyldunni, sem var ánægjulegt. Mamma hefði orðið 78 ára í dag en hún lést vorið 2002, líklega er að skapast ný hefð í fjölskyldunni að hittast í kringum afmælið hennar, sem er hið besta mál. Ný hefð ? eru hefðir kanski ekki alltaf gamlar annars væri það ekki hefð, líklegra er rangt að tala um nýja hefð?

Nóg í bili Jóhanna

Hugleiðing á föstudagskvöldi

2003-10-03T22:32:00.000Z

Þá er langþráð helgi komin, þá er hægt að fara að elta námshalann og vinna upp...og sinna fjölskyldunni.

Nemendur mínir hafa verið óvenju fyrirferðamiklir þessa vikuna. Ég er oft að svekkja mig yfir öllum þessum tíma sem fer í endalaus hegðunarvandamál og allt það púður sem fer í slíka nemendur á kostnað hinna. Svo er annar fylgikvilli í kenslunni að taka vandamálin með sér heim, bind vonir við að sá skrápur verði þykkari með árunum!

Heyrumst , Jóhanna

Vefleiðangur

2003-10-01T23:08:00.000Z

Hér er vefleiðangurinn minn, heimasíðan er ekki enn farin í loftið svo að ég skila hér, án allra fínheita mynda og svoleiðis:-(

Kisa
Kynning | Verkefni| Bjargir | Ferli | Mat | Niðurstaða

Vefleiðangur fyrir alla sem hafa gaman af kisum
Jóhanna Alfreðsdóttir

Kynning
Það eru kettir á mörgum heimilum nemenda. Þeir geta verið afskaplega blíðir og góðir og þá þykir okkur svo vænt um þá.
En þeir geta líka valdið ofnæmi og eiga það til að drepa smáfugla og þá eru við ekki eins ánægðir með þá. Nú ætlar þú að fara í kisuleiðangur og kynna þér ýmislegt um þessi dýr.

efst á síðu Svona ferðu að...

Verkefni

Safnaðu eftirfarandi fróðleiksmolum til þess að undirbúa þig fyrir kisuleiðangurinn. Klipptu og límdu svörin þín í word skjal. Geymdu svörin þín þar til síðar.
Við viljum vita hvaða dýr eru skyld kisum og af hvaða ætt dýra hann er.
Hvað kettir éta eiginlega?
Hvað kallast karldýrin, kvenndýrin og afkvæmin?
Þurfa kisur að tannbursta sig?
Að hverju þarf að huga áður en kisa er tekin inn á heimilið?
Margir hafa skrifað skemmtileg ljóð eða vísur um ketti. Athugið hvort ekki megi finna í textasafninu einhverja kattarvísu.
Þið kannist einnig við marga ketti úr teiknimyndum og skrýtlum. Skrifiði hjá ykkur góðan brandara þar sem kettir koma við sögu.
efst á síðu

Bjargir

Þessar kisukrækjur geta hjálpað þér að undirbúa þig fyrir kisuleiðangurinn, en þar er að finna allt mögulegt um kisur.
Ýmsar skemmtilegar kisuvísur er að finna hér Hjá Dagfinni dýralækni.
er ótrúlega mikið af ýmsum upplýsingum um kisur.
Hér eru fallegar myndir og fróðleiksmolar um kisur
Það sem snýr að heilsu og hreisti katta finnur þú hér hjá dýralæknastofunni Skemmtileg síða um kynjaketti
Kattholt er þekkt fyrir að bjarga kisum í neyð.
Um stóra og stæðilega ketti
og vini þeirra
Nokkrar lífsreynslusögurefst á síðu

Ferli

Nú verður haldið af stað í leiðangurinn.
1. Við skulum skipta bekknum í hópa þar sem þrír og þrír fara saman.
2. Þið skuluð fyrst leita að mynd sem þið notið sem einkennisköttinn ykkar.
3. Þessu næst þarf að skíra hann einhverju nafni, þið finnið örugglega eitthvað nafn við hæfi.
4. Nú fara hóparnir í ýmsar áttir, búið er að velja fyrirmælin fyrir hvern hóp.
5. Hóparnir safna niðurstöðum sínum á veggspjald þar getur verið um að ræða fróðleiksmolana, myndin af einkenniskettinum ykkar, sagan, ljóðið, stærstu kattardýrin og margt, margt fleira, eiginlega megið þið skrifa allt sem ykkur finnst forvitnilegt um ketti.
Svona verður skiptingin:
Hópar A og B finna sögu um kött á netinu og segja frá henni.
Hópar C og D finna ljóð um kött á netinu og fara með það.
Hópar E og F finna stærstu kattardýrin og segja frá þeim.

Góð ábending
Munið að þið eigið að vinna saman!
efst á síðu

Mat

Þetta er hópverkefni, hópurinn fær umsögn eftir því,
hvernig ykkur gekk að flakka um veraldarvefinn
hvernig ykkur gekk að ná í kattarmyndir
hvernig ykkur gekk að safna upplýsingum sem fram koma á netinu.
hvernig gekk ykkur að útbúa veggspjald, efnistök og frágangur.

efst á síðu

Niðurstaða

Það er ýmislegt hægt að læra um ketti á þessu verkefni. Einnig lærum við að flakka um á veraldarvefnum og getum nýtt okkur það til að læra um allt milli himins og jarðar.
efst á síðu

Seinast uppfært 1. október 2003
Jóhanna Alfreðsdóttir

Salvör Gissurardóttir þýddi þetta snið árið 1998 frá The Webquest Page.

Tíminn og tæknimálin

2003-09-30T21:57:00.000Z

Enn er það blessaður TÍMINN sem alls ekki er nóg af þessa dagana. En snúum okkur að tæknimálum. Ég hef nú aldrei verið talin mjög tæknivædd, þannig að þessi áfangi er áskorun!
Þegar ég hóf nám í K.H.Í haustið 2001 hafði ég lítið sem ekkert komið nálægt tölvum. Ég kunni þó að kveikja á tölvu og ná í word skjal, hafði sama sem ekkert farið á netið og kunni alls ekki að senda póst hvað þá að opna póst. Í þá daga nægði okkur á heimilinu ein tölva sem maðurinn minn fékk svo til að hafa í friði allavega fyrir mér, drengirnir mínir tveir sýndu þessu þó meiri áhuga en mamman og tóku brátt fram meiri framförum en hún. Í dag er ein tölva hjá 10 ára syni mínum sem þeir bræður nota undir leiki o.þ.h auk þess sem þeir fá stundum að fara á netið. Við hjónin samnýtum fartölvu og eigum okkur draum um sítengingu sem er ekki enn orðin að veruleika, en vonandi rætist úr því brátt, núna eru við tengd í gegnum heimilissímann. Notkun mín á þessari tækni er mest bundin við vinnuna mína og námið. Í Hamarsskóla nota ég stundvísi, skrái þar ástundun nemenda minna, einkunnir og færi í dagbók. Hamarskóli er með aðgang að skólatorgi og þar er 4.JA með bekkjarsíðu sem ég reyni að færa reglulega inn ýmsar upplýsingar fyrir nemendur og foreldra. Tölvupósturinn er orðin fastur liður á hverjum degi og er ég í meira sambandi við vini/ættingja sem nota slíkt, auðveldara að senda tölvupóst heldur en að taka upp símann. Talandi um síma, við erum með heimilissíma, tvö símtæki, hvorugt þráðlaust! Einn GSM sem ég kann að hringja úr, hef ekki enn lært að senda SMS! Stefni að því að læra það fyrir fertugt! Það eru nú spennandi tímar fram undan, maðurinn minn var að fá stafræna myndavél í afmælisgjöf sem við þurfum að fara að hella okkur út í að læra á.
Varðandi framtíðina þá held ég að tæknivæðingin sé rétt að byrja að hafa áhrif á mitt líf. Þetta nám hefði aldrei komið til greina ef tæknin hefði ekki átt í hlut. Vinnan mín kennslan, á eftir að breytast, það sem helst hamlar er fjársvelti skólanna, nemendur eru flestir með miklu betri tæki heima heldur í skólanum. Nettengd tölva í hverja stofu er t.d. ekki í mínum skóla og verður ekki í bráð. Ég sé fyrir mér að samskipti við foreldra muni aukast og færast meira út á netið, sbr.fjölskyldusíður svipaða og Mentor . Í sjónvarpinu um daginn var verið að sýna tölvutengda töflu sem arftaka gömlu krítar töflunnar, ég man ekki í hvaða skóla það var, en trúði á framtíðinna í því. Það verður mikill munur þegar tæknin verður orðin snúrulaus!
Læt þetta nægja í bili...

Aftur komin helgi

2003-09-20T11:46:00.000Z

Enn og aftur er komin helgi, tíminn flýgur áfram. Vikan dugar ekki, spurning um að fara fram á aukadag inn í vikuna...

Verkefnin hellast nú yfir í náminu. Við Gugga erum saman í eineltispælingum og ætlum að eyða hluta af deginum í það, ómetanlegt að eiga góðan vin í náminu.
Talandi um vin, þá er næsta vika vinavika í skólanum mínum, Hamarsskóla og verður ýmislegt gert af því tilefni.
Vikan ber yfirskriftina spor í rétta átt, aldrei of oft unnið með gullnu regluna, komdu fram við aðra eins og þú vilt láta koma fram við þig.

Heyrumst eða "lesumst" Jóhanna

Kennaraþing

2003-09-17T21:45:00.000Z

Á morgun hefst haustþing kennara á Suðurlandi og er það haldið hér í Eyjum í þetta sinn.
Einhver skrekkur er í fólki að taka Herjólf, mæli með sjóveikistöflu og koju, þá bjargast þetta allt! Annars er spáin góð svo að vonandi verður flug fyrir þá sem það kjósa heldur.

Kveðjur!

Verkefni 1. lotu

2003-09-16T22:42:00.000Z

Jæja eitthvað náði ég nú að miskilja skipulagið á skilum úr fyrstu lotu, reyni aftur!! Ég skilaði vefrallyinu í word skjali (fagurlega myndskreyttu!) og við vinnuna á því notaði ég skemmtilega síðu sem ég hef nú minnst á áður en læt fljóta hér aftur Fjaran og hafið

Spurningarnar sem á að leita svara við eru:
1. Hvaða spendýr er stærsta dýr jarðarinnar?
2. Hver er aðalfæða sela?
3. Nefnið tvær tegundir af uppsjávarfiski?
4. Hvað veldur því að sjórinn umhverfis Ísland er svo frjósamur og fiskimið svo gjöful?
5. Hvað getur ýsan orðið gömul?
6. Á hverju lifir marfló?
7. Fjörur eru margvíslegar að gerð, nefnið fimm þeirra?
8. Hvað var elsta Hrefnan gömul sem fundist hefur hér við land?
9. Hvað eru fílar lengi að unga út eggi sínu?
10. Hvað heita stærstu veiðarfæri sem notuð eru við Íslands strendur?
11. Hvað er Bertálknar?

Powerpoint verkefnið hefur þvælst svolítið fyrir mér, ég var farin að vinna með hugmynd að þulum og þjóðkvæðum, sem ég hugsaði fyrir 9-10 ára börn. Svo leist mér ekki á þá hugmynd eftir því sem ég lá lengur með hana. Ég ætla að breyta algjörlega um og taka efni úr kristin fræði fyrir 4. bekk. Kynningu á öðrum trúarbrögðum, sem gæti þá nýst mér í kennslu í mínum bekk. Gæti verið góð tilbreyting að nota powerpoint í kennslu hjá nemendum sem eru ekki vanir slíku, ég er nokkuð viss að nemendur mínir tæku því fagnandi!
Jæja ég ætla að vona að þetta komist til skila.
Kveðja Jóhanna

Þulur og þakplötur

2003-09-13T09:08:00.000Z

Hef verið að vafra um á vefnum í tengslum við verkefni sem ég er að vinna um þulur, í námskeiðinnu Frá eddukvæðum til óðflugu. Það kom mér á óvart hvað margt skemmtilegt er til um það efni. Til dæmis er mjög áhugaverður kennsluvefur sem heitir Þjóðtrú og þjóðsögur Þar er hægt að vinna ýmsis skemmtileg verkefni.

Þá er fyrsti hvellurinn í haust veðrinu gengin yfir hér hjá okkur í Eyjum, minnir okkur á að veturinn nálgast óðfluga. Eyjafréttir skrifaði um fjúkandi þakplötur, ég svaf nú bara á mitt græna.
Nóg í bili Jóhanna

Skipulag

2003-09-07T09:48:00.000Z

Eitthvað gengur nú hægt að koma blogginu inn í rútínuna, lofa sjálfri mér bót á því. Skipulagið er ekki komið í fastar skorður enn.
Í dag ætla ég að byrja á kennsluverkefninu í powerpoint, svo að glíman við tölvutæknina heldur áfram!
Nú fer allt að fara á fullt í náminu ,skil að hellast yfir í nær öllum fögum, svo að það er eins gott að fara að bretta upp ermar!
Nóg í bili Jóhanna

Enn af pysjum

2003-09-01T21:57:00.000Z

Þá er fjölskyldan búin að fara á fyrstu pysjuveiðar haustsins og var afraksturinn hjá sonum mínum fimm stykki í gærkvöldi.
Í ár voru skráningarblöð borin í hvert hús og fólk er beðið að skrá allar pysjur sem er bjargað, ásigkomulag og þyngd. Er þetta samstarfsverkefni Rannsóknasetursins, Náttúrugripasafnsins og Sparisjóðs Vestmannaeyja.
Með þessu er vonast til þess að hægt verði að meta ásigkomulag pysjanna eftir varptímann og spá fyrir um sterka árganga.
Skemmtilegt verkefni sem öll í fjölskyldan getur tekið þátt í! Við hjónin stóðum í dag við bökunarvigtina, settum litlu greyin í ullarsokk (til að þær brölti ekki um) og synirnir lásu af voginni og skráðu þetta allt skilmerkilega á blað!
Nóg í bili Jóhanna

Tölvuleikir á Netinu

2003-08-31T14:56:00.000Z

Ég hef lítið verið í tölvuleikjum á Netinu, lítið...hum..í sannleika sagt ekki baun! En drengirnir mínir og eiginmaður hafa mikin áhuga á því að tefla. Svo að ég grobbist nú aðeins þá var eldri sonur minn, Bjartur Týr skólaskákmeistari í 1-7. bekk hér í bæ síðastliðinn vetur og á því titil að verja!
Maðurinn minn teflir stundum á Netinu, fyrir þá sem hafa áhuga á taflmennsku þá er slóðin hér

Lofa því að fara að prófa einhverja netleiki, læt ykkur vita...
Heyrumst Jóhanna

Tölvur og grill..

2003-08-24T22:24:00.000Z

Hef verið að brasa í tölvumálum þessa helgi og komst þá að því mér til mikilar skelfingar að kunnáttan er of lítil. En þetta ágæta námskeið bætir nú vonandi úr því.

Að vísu tók ég mér smá frí seinnipartinn í gær þar sem það var götugrill í götunni minni, bestu götunni í bænum! Hátíðin hófst á því að farið var með börnin (og þá fullorðnu sem hafa varðveitt barnið í sér...)í tuðruferð út í Elliðaey, sem er ein úteyjan og sú sem hvað auðveldast er að komast upp í. Þarna er glæsilegt veiðihús þar sem lundakarlarnir liggja við á sumrin . Mannskapurinn var ferjaður á þremur tuðrum, sú ferð tókst með ágætum þrátt fyrir nokkra vætu. Um kvöldið var svo grillað saman og ýmsar skemmtilegar uppákomur, blysför, varðeldur, gítarspil og söngur.

En aftur að tölvumálum, ég vann vefrallýið nú um helgina og notaði til þess mjög aðgengilegan vef Fjaran og hafið þessi vefur bíður upp á marga skemmtilega möguleika í náttúrufræði kennslu og honum fylgja ágætis kennsluleiðbeiningar, kíkið endilega á.

Nóg í bili Jóhanna.

E.s. ég sé að það er röng dagsetning á þessum skrifum, hef ekki hugmynd um hvers vegna en rétt dagsetning er sun. ágú. 31, kann því miður ekki að leiðrétta þetta á annan hátt, skiptir kanski litlu máli.

Laugardagur

2003-08-23T10:47:00.000Z

Jæja þá er skólalotan í Reykjavík búin í bili. Vikan hefur farið í það að koma sé af stað í vinnunni. Ég kenni í Hamarsskóla hér í Vestmannaeyjum, 17 börnum í 4.bekk, 10 drengjum og 7 stúlkum. Ég hlakka til að hitta nemendur mína aftur, en skólasetning er á mánudaginn hjá okkur.

Annars er það helst héðan ú Eyjum að við bíðum eftir pysjunum sem láta ekkert á sér kræla einhverja hluta vegna. Öll börn eru búin að byrgja sig upp af pappakössum og hafa vasaljósin í lagi. Vonandi fer eitthvað að gerast...meira seinna Jóhanna.

Enn á ný...

2003-08-18T13:27:00.000Z

Þá er ágætis menningarnótt afstaðin og síðasti spretturinn í staðbundnu lotunni að hefjast. Það verður gott að komasta heim og fara að takast á við verkefnin sem bíða þar.

Alltaf að læra

2003-08-15T16:26:00.000Z

Netið býður upp á ýmsa möguleika nú geta allir eignast vini á www.friendster.com og fyrir þá sem vilja tjá sig um þjóðmálin þá er malefni.com tilvalin vettvangur.

Besti vinurinn í náminnu!

2003-08-15T16:08:00.000Z

Það er hún Gugga Guggu

Kynning

2003-08-15T16:03:00.000Z

'Eg heiti Jóhanna Alfreðsdóttir og er nemi í fjarnámi við Kennaraháskólan ég mun ljúka námi vorið 2005. Ég bý í Vestmannaeyjum gift Ólafi Tý kennara og eigum við tvo drengi Bjart Tý 10 ára og Ólaf Frey 7 ára. Auk þess er ég starfandi kennari við Hamarsskóla í Vestmannaeyjum, nemendur mínir eru 17 hressir krakkar í 4. bekk.

Að sjálfsögðu er ég og mín fjölskylda ávallt á Þjóðhátíð í Herjólfsdal sem er ómissandi þáttur í tilverunni.